„Við ætluðum að ná okkur upp eftir síðasta leik sem var alls ekki nógu góður. Við sýndum í dag að við ætluðum að breyta því og mér fannst við koma mjög vel út úr þessu," sagði Birkir Bjarnason eftir 3-0 tap Íslands gegn Belgíu í Þjóðadeildinni í kvöld.
Belgar eru í öðru sæti á heimslistanum og enduðu í þriðja sæti á HM í sumar.
„Þetta er ein af bestu þjóðum í heimi og mér fannst við koma ágætlega út úr þessum leik."
„Við spiluðum mjög góðan varnarleik og héldum boltanum þegar við gátum. Þeir sýndu líka gæði þó að þetta hafi verið svolítið auðveld mörk sem við gáfum þeim."
Hér að ofan má sjá viðtalið í heild sinni.
Athugasemdir