Ísland tekur á móti Slóvakíu í undankeppni fyrir U-21 Evrópumótið í dag klukkan 15:30 á Alvogen-vellinum. Óttar Magnús Karlsson leikmaður liðsins segir að eftir frábæran sigur gegn Eistlandi þá þarf að byggja ofan á það og spila svipaðan leik og gegn þeim.
„Við erum búnir að vera æfa vel og þetta var flottur leikur á fimmtudaginn þannig að liðið lítur bara vel út og við erum fullir tilhlökkunar. Í grunninn munum við spila okkar leik eins og við höfum verið að gera, við munum byggja aðallega á því."
Aðspurður hvort þeir þurfi að vinna þá leiki sem eftir eru sagði Óttar að það væri nokkuð ljóst að þeir þurfi að gera það til að eiga möguleika á að komast í umspilið.
„Já ég held að það sé alveg nokkuð ljóst að við þurfum eins mörg stig og við mögulega getum fengið, þannig að það er eina vitið að reyna vinna það sem eftir er."
Óttar er samningsbundinn Molde í Noregi en er nú á láni hjá Trelleborgs FF í Sænsku Úrvalsdeildinni. Óttar segist ánægður þar eins og er en veit ekki hvort hann verði áfram eða fari aftur og spili fyrir Molde.
„Ég er bara mjög ánægður, mér líður vel eins og er og það er það eina sem skiptir máli í þessu. Það á eftir að koma í ljós hvort ég verði áfram hér eða fari aftur til Molde en ég er ekkert að hugsa um það eins og er. Ég er bara að hugsa um þetta verkefni núna og svo kemur það bara í ljós, það skýrist."
Stöðutaflan
L | U | J | T | ms: | mf: | mun | Stig | ||
---|---|---|---|---|---|---|---|---|---|
0 | 0 | 0 | 0 | 0 | 0 | 0 | 0 | 0 |
Athugasemdir