Ronaldo samdi við Man Utd á lokadegi félagaskiptagluggans og var að spila sinn fyrsta leik fyrir félagið í heil 12 ár.

Portúgalinn gerði sér lítið fyrir og skoraði tvennu í fyrsta leiknum en þeir rauðklæddu höfðu betur örugglega 4-1.

Í fyrra markinu fylgdi Ronaldo á eftir skoti Mason Greenwood og í því seinna komst hann einn gegn Frederick Woodman og setti boltann á milli fóta hans af krafti.

Bruno Fernandes skoraði svo þriðja mark Man Utd og bætti Jesse Lingard við því fjórða í sannfærandi sigri.

Englandsmeistarar Manchester City unnu einnig sinn leik en liðið hafði betur gegn Leicester City með einu marki gegn engu.

Þar var annar Portúgali á skotskónum en Bernardo Silva skoraði eina mark leiksins í seinni hálfleik.

Pierre-Emerick Aubameyang tryggði Arsenal þá sigur gegn Norwich og fyrstu stig liðsins í töflunni þetta árið.

Aubameyang skoraði eina mark Arsenal í seinni hálfleik en þetta var fyrsta mark Arsenal í deildinni í sumar.

Fleiri leikir fóru fram en Wolves og Brighton unnu sigra á meðan Southampton og West Ham gerðu markalaust jafntefli.

Manchester Utd 4 - 1 Newcastle
1-0 Cristiano Ronaldo ('45 )
1-1 Javi Manquillo ('56 )
2-1 Cristiano Ronaldo ('62 )
3-1 Bruno Fernandes ('80 )
4-1 Jesse Lingard ('90 )

Arsenal 1 - 0 Norwich
1-0 Pierre Emerick Aubameyang ('66 )

Leicester City 0 - 1 Manchester City
0-1 Bernardo Silva ('62 )

Brentford 0 - 1 Brighton
0-1 Leandro Trossard ('90 )

Southampton 0 - 0 West Ham
Rautt spjald: Michail Antonio, West Ham ('90)

Watford 0 - 2 Wolves
1-0 Francisco Sierralta ('74 , sjálfsmark)
1-1 Hee-Chan Hwang ('83 )