Íslenska landsliðskonan Glódís Perla Viggósdóttir skoraði þriðja mark Bayern München í 4-0 sigri á Freiburg í þýsku deildinni í dag.
Glódís kom til Bayern frá sænska liðinu Rosengård fyrir tímabilið en þetta var fyrsta markið sem hún skorar í þýsku deildinni.
Hún gerði þriðja mark liðsins á 66. mínútu og var þetta fyrsta mark hennar fyrir liðið.
Glódís lék allan leikinn í dag en Karólína Lea Vilhjálmsdóttir sat allan tímann á varamannabekknum.
Alexandra Jóhannsdóttir kom inná sem varamaður á 69. mínútu í 4-0 sigri Eintracht Frankfurt á Köln.
Bayern er á toppnum eftir fyrstu þrjá leikina með fullt hús stiga með markatöluna 15:0. Frankfurt er í öðru sæti með jafnmörg stig.
Athugasemdir