„Algjörlega hundfúllt, mér fannst við ekki skilið að tapa þessum leik en það skiptir víst engu máli," sagði Jóhann Helgi Hannesson framherji Þórs eftir síðasta heimaleik hans á ferlinum fyrir Þór en hann leggur skóna á hilluna eftir tímabilið.
Lestu um leikinn: Þór 1 - 2 Selfoss
Honum leið eins og hann væri orðinn 17 ára aftur í aðdraganda þessa leiks.
„Tilfinningin er mjög skrítin, mér leið eins og ég væri 17 ára, var dauðstressaður fyrir þennan leik og mér leið nánast eins og ég væri að spila minn fyrsta leik, það var öðruvísi tilfinning heldur en venjulega."
Jóhann Helgi skoraði tvö mörk en bæði dæmd af. Honum fannst að bæði hefðu átt að standa.
„Þetta er eins og tímabilið hefur verið, þetta hefur verið stöngin út, nú endaði boltinn í netinu en einhvernvegin tókst dómarateyminu að taka mörkin af mér. Hann dæmir á hrindingu í fyrra markinu, það eru allir að hrinda öllum, af hverju að dæma á þetta en ekki víti, það er verið að hrinda þremur hjá okkur, svona eru bara öll horn. Ég var ekki rangur það er 100 p en svona er þetta."
Þór heimsækir Þrótt í síðustu umferðinni eftir viku. Það verður því síðasti leikur Jóhanns á ferlinum.
„Ég ætla að skora tvö lögleg þar, það er klárt," sagði Jóhann Helgi að lokum.
Athugasemdir