Valur varð Íslandsmeistari kvenna þetta sumarið með miklum yfirburðum. Hluta af yfirburðum liðsins mátti rekja til samvinnu Dóru Maríu Lárusdóttur og Mistar Edvardsdóttur. Dóra María með sínar eitruðu sendingar inn í teiginn, oft úr föstum leikatriðum, áttu það oft til að hitta á kollinn á Mist.
Í sigurleik gegn Fylki í árbænum fyrr í sumar skoraði Mist tvisvar eftir undirbúning Dóru Maríu. Í þeim leik frumsýndu þær leynihandaband stuttu eftir að liðið hafði fagnað öðru markinu.
Umræðan um leynihandabandið fór milli þeirra sem sáu en einhverra hluta vegna tókst myndavélum á staðnum ekki að fanga augnablikið. Það sama gerðist svo í leik gegn Tindastóli einhverju síðar.
Eftir að Valur tók á móti Íslandsmeistarabikarnum í gærkvöldi fékk Fótbolti.net þær Dóru Maríu og Mist til að leika handabandið eftir. Myndir af því má svo sjá hér að neðan.
Athugasemdir