Þórir Jóhann var að byrja annan leik sinn í Seríu A á þessari leiktíð en lið hans var 1-0 undir í hálfleik eftir mark frá Stefano Sensi á 35. mínútu.

Marco Baroni, þjálfari Lecce, tók Þóri af velli í hálfleik og setti Joan Gonzalez inn, en sá þakkaði þraustið með því að jafna metin tæpum þremur mínútum eftir að hafa komið inná.

Lokatölur 1-1. Lecce er í 17. sæti með 3 stig.

Atalanta og nýliðar Cremonese gerðu einnig 1-1 jafntefli. Mörkin komu með tæplega fjögurra mínútna millibili. Merih Demiral kom Atalanta yfir á 74. mínútu áður en Emanuele Valeri jafnaði á 78. mínútu. Atalanta er í 2. sæti með 14 stig.

Bologna lagði Fiorentina, 2-1. Liðið lenti undir á 54. mínútu en Musa Barrow jafnaði fimm mínútum síðar. Marko Arnautovic gerði svo sigurmarkið á 62. mínútu og þar við sat.

Beto skoraði tvö mörk fyrir Udinese í 3-1 sigri á Sassuolo en öll mörk liðsins komu á síðustu fimmtán mínútum leiksins. Beto kom inná á 67. mínútu og jafnaði leikinn átta mínútum síðar. Hann skoraði svo annað mark sitt undir lok leiks áður en Lazar Samardzic tryggði sigurinn stuttu síðar.

Úrslit og markaskorarar:

Atalanta 1 - 1 Cremonese
1-0 Merih Demiral ('74 )
1-1 Emanuele Valeri ('78 )

Bologna 2 - 1 Fiorentina
0-1 Lucas Martinez ('54 )
1-1 Musa Barrow ('59 )
2-1 Marko Arnautovic ('62 )

Lecce 1 - 1 Monza
0-1 Stefano Sensi ('35 )
1-1 Joan Gonzalez ('48 )

Sassuolo 1 - 3 Udinese
1-0 Davide Frattesi ('33 )
1-1 Beto ('75 )
1-2 Beto ('90 )
1-3 Lazar Samardzic ('90 )
Rautt spjald: Ruan, Sassuolo ('43)