Heimir með fyrirliðabandið hjá FH.
Það brá mörgum í brún þegar Heimir Guðjónsson var rekinn úr þjálfarastólnum hjá FH í síðustu viku. Heimir hefur verið hjá FH síðan um aldamótin og verið lykilmaður á gullaldartíma Fimleikafélagsins.
Hann hefur verið leikmaður, aðstoðarþjálfari eða þjálfari í öllum átta Íslandsmeistaratitlum FH. Hann varð tvisvar Íslandsmeistari sem leikmaður, 2004 og 2005. Hann vann titilinn sem aðstoðarþjálfari 2006 og sem aðalþjálfari 2008, 2009, 2012, 2015 og 2016. Þá stýrði hann FH til bikarmeistaratitils 2010 og var aðstoðarþjálfari þegar bikarinn vannst 2007.
Það er ekki að ástæðulausu sem kallað hefur verið eftir styttu af Heimi í Krikanum.
Sjá einnig:
Heimir Guðjóns: Eina sem ég er ósáttur við er tímasetningin
Heimir hefur verið hjá FH öll þau ár sem Fótbolti.net hefur verið í loftinu og því um að gera að skoða aðeins söguna í gegnum myndabanka síðunnar.
Heimir og fyrsti titill FH. Deildabikarmeistarar 2002.
Heimir hefur verið duglegur við að lyfta bikurum hjá FH. Hér er hann eftir sigur gegn KR í úrslitaleik deildabikarsins 2004.
Íslandsmeistarabikarinn fer á loft á Akureyri 2004. Fyrsti Íslandsmeistaratitill FH.
Fagnað eftir Íslandsmeistaratitilinn 2004.
Heimir var valinn leikmaður ársins 2004. Hér eru hann og Laufey Ólafsdóttir sem valin var knattspyrnukona ársins það ár.
FH rúllaði yfir deildina 2005. Hér er Heimir ásamt Daða Lárussyni markverði.
Heimir og Daninn Allan Borgvardt sem raðaði inn mörkum fyrir FH.
Heimir fær flugferð eftir sinn síðasta leik. FH vann 5-1 sigur gegn Fram í lokaumferðinni 2005.
Heimir og Ólafur Jóhannesson.
Skemmtileg mynd af Óla og Heimi fyrir leik gegn KF Nörd á Laugardalsvelli.
Heimir fær aðra flugferð 2006. Nú sem aðstoðarþjálfari eftir að Íslandsmeistaratitillinn var í höfn.
Heimir á góðri stundu í Krikanum með Jóni Rúnari og Frikka Dór.
Heimir vinnur sinn fyrsta Íslandsmeistaratitil sem aðalþjálfari, árið 2008.
Enn ein flugferðin!
Heimir og Martin O'Neill spjalla saman fyrir Evrópuleik FH og Aston Villa 2008.
Heimir og Guðjón Þórðarson léttir.
Matthías Vilhjálmsson og Heimir Guðjónsson taka við viðurkenningum frá Fótbolta.net 2009.
Gleðistund í Kaplakrika.
Heimir og Tryggvi Guðmundsson.
Heimir og Hólmar Örn Rúnarsson.
Á leik í Vestmannaeyjum.
Heimir dregur jakkafötin ekki oft fram á hliðarlínunni en hefur gert það í Evrópuleikjum af og til.
Heimir á hliðarlínunni 2014.
Heimir og Tómas Meyer hafa oft átt góðar samræður!
Í einu af fjölmörgum viðtölum við Fótbolta.net gegnum árin.
Eiríkur Þorvarðarson markvarðaþjálfari, Heimir og Guðlaugur Baldursson aðstoðarþjálfari.
Þjálfari ársins 2015.
Heimir og Ólafur Páll Snorrason, sem síðar varð aðstoðarmaður hans.
Þvílík 18 ár sem Heimir hefur átt í Kaplakrika!
Athugasemdir
