Leikurinn byrjaði vægast sagt illa fyrir lið United og voru þeir komnir 0-2 undir eftir einungis tíu mínútur. Í síðari hálfleik náði þeir að snúa leiknum sér í hag og fóru með 3-2 sigur af hólmi.

Eftir leikinn var sjónvarpsmyndavélinni beint að andliti Mourinho þar sem hann lét nokkur vel valin orð falla.

Enska knattspyrnusambandið hefur nú brugðið á það ráð að ráða varalesara til þess að skoða það nánar hvað Mourinho sagði í myndavélina.

Verði Mourinho fundinn sekur gæti hann fengið peningasekt ásamt því að sitja uppi í stúku þegar United og Chelsea mætast í næstu umferð ensku úrvalsdeildarinnar.

Manchester United situr í áttunda sæti ensku úrvalsdeildarinnar, sjö stigum á eftir toppliði Manchester City.