sun 11. október 2020 14:50
Brynjar Ingi Erluson
Byrjunarlið Englands gegn Belgíu: Calvert-Lewin byrjar
Dominic Calvert-Lewin skoraði í fyrsta landsleik
Dominic Calvert-Lewin skoraði í fyrsta landsleik
Mynd: Getty Images
Enska landsliðið mætir Belgíu í Þjóðadeildinni klukkan 16:00 í dag en leikurinn fer fram á Wembley. Dominic Calvert-Lewin er í byrjunarliði Englands.

Calvert-Lewin hefur verið frábær fyrir framan markið á þessu ári með Everton og hefur það skilað sér í landsliðið en hann skoraði í fyrsta leik sínum í 3-0 sigri á Wales í vináttulandsleik á dögunum.

Hann fær sæti í byrjunarliðinu í dag en Jordan Henderson, miðjumaður Liverpool, er einnig í liðinu.

England vann Ísland naumlega 1-0 í fyrsta leik riðilsins en gerði svo markalaust jafntefli við Dani. Belgía hefur á meðan unnið báða leiki sína í riðlinum.

Byrjunarlið Englands: Pickford, Walker, Maguire, Dier, Alexander-Arnold, Rice, Henderson, Trippier, Mount, Rashford, Calvert-Lewin
Athugasemdir
banner
banner