lau 11. nóvember 2017 15:46
Guðmundur Aðalsteinn Ásgeirsson
Byrjunarlið U19 gegn Englandi - Tvær breytingar
Fylgstu með í beinni útsendingu
Alex Þór byrjar.
Alex Þór byrjar.
Mynd: Fótbolti.net - Hafliði Breiðfjörð
U19 ára landslið karla leikur í dag annan leik sinn í undankeppni EM 2019 þegar liðið mætir Englandi.

Hefst leikurinn klukkan 16:30 að íslenskum tíma og fer hann fram á Trace vellinum í Stara Zagora í Búlgaríu.

Hægt verður að horfa á leikinn í beinni útsendinug hér

Ísland tapaði 1-2 á miðvikudaginn síðastliðinn gegn heimamönnum í Búlgaríu. Sama dag vann England 6-0 sigur á Færeyjum.

Tvær breytingar eru á byrjunarliði Íslands frá 2-1 tapinu gegn Búlgaríu. Aron Dagur Birnuson kemur í markið fyrir Aron Stefánsson og Óliver Dagur Thorlacius byrjar fyrir Stefán Alexander Ljubicic.

Efstu tvö liðin í riðlinum fara áfram í milliriðil, en hann verður leikinn næsta vor. Lokakeppni mótsins verður svo í Finnlandi í júlí 2018.

Byrjunarlið Íslands í dag:
Aron Dagur Birnuson (M)
Ástbjörn Þórðarson
Torfi T. Gunnarsson (fyrirliði)
Aron Kári Aðalsteinsson
Kolbeinn Birgir Finnsson
Atli Hrafn Andrason
Arnór Sigurðsson
Guðmundur Andri Tryggvason
Ísak Atli Kristjánsson
Alex Þór Hauksson
Óliver Dagur Thorlacius
Athugasemdir
banner
banner
banner