David Unsworth hefur ekki hugmynd um hvort hann fái tækifæri til að halda áfram í stjórastarfi Everton.
Unsworth tók starfið að sér til bráðabirgða eftir að Ronald Koeman var rekinn í síðasta mánuði.
Unsworth tók starfið að sér til bráðabirgða eftir að Ronald Koeman var rekinn í síðasta mánuði.
Undir stjórn Unsworth tapaði Everton fyrstu þremur leikjum sínum, en um síðustu tókst liðinu loksins að vinna. Watford kom í heimsókn á Goodison Park og komst 2-0 yfir, en strákarnir hans Unsworth sýndu karakter og unnu 3-2.
Þegar Unsworth var spurður að því hvernig staðan væri varðandi stjóramál Everton, þá sagði hann: „Hún er bara alveg eins og eftir síðasta leik. Ég held bara áfram að gera mitt besta."
„Ég hef engar fréttir að færa, það hefur enginn greint mér frá því hvað er að gerast. Ég held bara áfram að mæta á hverjum degi og gera mitt besta," sagði hann enn fremur.
Athugasemdir