Síðustu leikjum helgarinnar í enska boltanum var að ljúka þar sem Englandsmeistarar Manchester City fengu nágranna sína í heimsókn á Etihad leikvanginn.
David Silva kom City yfir snemma leiks eftir laglegt samspil innan vítateigs Manchester United og verðskulduðu heimamenn forystuna þegar flautað var til leikhlés.
Gæðamunur liðanna var augljós þegar Sergio Agüero tvöfaldaði forystu City eftir einfalt samspil við Riyad Mahrez í upphafi síðari hálfleiks.
Rauðu djöflarnir voru þó ekki búnir að gefast upp og fékk Romelu Lukaku vítaspyrnu skömmu eftir að hafa komið inn af bekknum. Ederson braut óþarflega á honum innan teigs. Anthony Martial steig á punktinn og brást honum ekki bogalistin og Man Utd komið inn í leikinn.
Heimamenn héldu áfram að stjórna leiknum og skilaði þriðja og síðasta mark þeirra sér undir lokin, þegar Ilkay Gündogan slapp í gegn og skoraði af stuttu færi eftir að Nemanja Matic sofnaði á verðinum.
Meira var ekki skorað og verðskuldaður sigur City var aldrei í hættu. Englandsmeistararnir eru á toppi deildarinnar með tveggja stiga forystu eftir tólf umferðir.
Arsenal tók þá á móti nýliðum Wolves sem komust yfir snemma leik með marki frá Ivan Cavaleiro, sem skoraði eftir vandræðagang í vörn Arsenal.
Arsenal reyndi að sækja en Úlfarnir voru skipulagðir og reyndust hættulegri í leiknum þrátt fyrir að vera aðeins 28% með boltann.
Jöfnunarmark Arsenal kom ekki fyrr en undir lok leiksins þegar varamaðurinn Henrikh Mkhitaryan skoraði með fyrirgjöf.
Fyrirgjöfin var mjög góð en enginn leikmaður náði til boltans. Rui Patricio í marki Wolves reiknaði með snertingu á boltanum og stóð því kyrr á meðan fyrirgjöfin hafnaði í netinu.
Þetta var þriðja jafntefli Arsenal í röð og er liðið sem fyrr í fimmta sæti deildarinnar.
Man City 3 - 1 Man Utd
1-0 David Silva ('12)
2-0 Sergio Aguero ('48)
2-1 Anthony Martial ('58, víti)
3-1 Ilkay Gündogan ('86)
Arsenal 1 - 1 Wolves
0-1 Ivan Cavaleiro ('13)
1-1 Henrikh Mkhitaryan ('86)
Stöðutaflan
England
Premier league - karlar
L | U | J | T | ms: | mf: | mun | Stig | ||
---|---|---|---|---|---|---|---|---|---|
1 | Man City | 32 | 22 | 7 | 3 | 76 | 32 | +44 | 73 |
2 | Arsenal | 32 | 22 | 5 | 5 | 75 | 26 | +49 | 71 |
3 | Liverpool | 32 | 21 | 8 | 3 | 72 | 31 | +41 | 71 |
4 | Aston Villa | 33 | 19 | 6 | 8 | 68 | 49 | +19 | 63 |
5 | Tottenham | 32 | 18 | 6 | 8 | 65 | 49 | +16 | 60 |
6 | Newcastle | 32 | 15 | 5 | 12 | 69 | 52 | +17 | 50 |
7 | Man Utd | 32 | 15 | 5 | 12 | 47 | 48 | -1 | 50 |
8 | West Ham | 33 | 13 | 9 | 11 | 52 | 58 | -6 | 48 |
9 | Chelsea | 31 | 13 | 8 | 10 | 61 | 52 | +9 | 47 |
10 | Brighton | 32 | 11 | 11 | 10 | 52 | 50 | +2 | 44 |
11 | Wolves | 32 | 12 | 7 | 13 | 46 | 51 | -5 | 43 |
12 | Fulham | 33 | 12 | 6 | 15 | 49 | 51 | -2 | 42 |
13 | Bournemouth | 32 | 11 | 9 | 12 | 47 | 57 | -10 | 42 |
14 | Brentford | 34 | 9 | 8 | 17 | 49 | 58 | -9 | 35 |
15 | Crystal Palace | 32 | 8 | 9 | 15 | 37 | 54 | -17 | 33 |
16 | Everton | 32 | 9 | 8 | 15 | 32 | 48 | -16 | 27 |
17 | Nott. Forest | 33 | 7 | 9 | 17 | 42 | 58 | -16 | 26 |
18 | Luton | 34 | 6 | 7 | 21 | 46 | 72 | -26 | 25 |
19 | Burnley | 34 | 5 | 8 | 21 | 35 | 69 | -34 | 23 |
20 | Sheffield Utd | 33 | 3 | 7 | 23 | 31 | 86 | -55 | 16 |
Athugasemdir