Sóknarmaðurinn Andri Rúnar Bjarnason var að klára sitt fyrsta tímabil með sænska félaginu Helsingborg.
Óhætt er að segja að tímabilið hafi fengið vonum framar hjá Bolvíkingnum.
Hann var valinn besti leikmaður Helsingborg og endaði sem markakóngur B-deildarinnar með 16 mörk er Helsingborg vann sér sæti í úrvalsdeildinni sænsku.
Ekki alslæm uppskera hjá Andra Rúnari sem var á síðasta ári markakónugur Pepsi-deildarinnar með 19 mörk. Hann jafnaði markametið í efstu deild á Íslandi áður en hann fór út.
Andri er greinilega í miklum metum hjá stuðningsmönnum Helsingborg.
Eftir 3-1 sigur á Varberg í gær stjórnaði Andri söng með stuðningsmönnum.
Skemmtilegt myndband af þessu er hér að neðan en Birgir H. Stefánsson var á leiknum og tók þetta upp.
Athugasemdir