Í A-riðli mættust Selfoss og Breiðablik og fór svo að Íslands- og bikarmeistararnir unnu 4-2 sigur.

Karolína Lea Vilhjálmsdóttir skoraði fyrsta markið og bætti Agla María Albertsdóttir við öðru marki stuttu síðar.

Selfoss minnkaði muninn en Agla María skoraði þriðja mark Blika fyrir leikhlé. Selfoss minnkaði muninn aftur í upphafi síðari hálfleiks en Sólveig Jóhannesdóttir Larsen gekk frá leiknum fyrir Blika á 83. mínútu.

Breiðablik hefur unnið fyrstu tvo leiki sína í Faxaflóamótinu, en þetta var fyrsti leikurinn hjá Selfossi.

Í B-riðlinum hafði ÍA betur gegn FH í Akraneshöllinni. ÍA leiddi 2-1 í hálfleik og gekk frá leiknum með tveimur mörkum til viðbótar í síðari hálfleik.

Þetta var fyrsti leikurinn í B-riðli Faxaflóamótsins en í honum leika einnig Augnablik, Álftanes og Haukar. Klukkan 16:00 mætast Augnablik og Álftanes á Bessastaðavelli.

A-riðill
Selfoss 2 - 4 Breiðablik
0-1 Karolína Lea Vilhjálmsdóttir ('1)
0-2 Agla María Albertsdóttir ('7)
1-2 Karitas Tómasdóttir ('15)
1-3 Agla María Albertsdóttir ('44)
2-3 Magdalena Anna Reimus ('53)
2-4 Sólveig Jóhannesdóttir Larsen ('83)

B-riðill
ÍA 4 - 1 FH
1-0 Sigrún Eva Sigurðardóttir ('9)
2-0 Sjálfsmark ('19)
2-1 Helena Ósk Hálfdánardóttir ('32, víti)
3-1 Ólöf Sigríður Kristinsdóttir ('62)
4-1 Erla Karitas Jóhannesdóttir ('78)