Islam Slimani, lánsmaður frá Leicester, kom Fenerbache yfir á 21. mínútu eftir sendingu frá Sadık Çiftpınar.

Slóvakinn Róbert Mak fékk gullið tækifæri til þess að jafna metin og skora þetta dýrmæta útvallarmark fyrir Zenit á 44. mínútu þegar hann tók vítaspyrnu, boltinn fór ekki inn og því heimamenn sem leiddu í hálfleik.

Fenerbache hékk á forystunni út leikinn og sigruðu að lokum en mark Slimani tryggði sigurinn.

Seinni leikur liðanna verður leikinn á fimmtudaginn í næstu viku en það er allt opið í einvíginu eftir úrslit kvöldsins.