Anthony Martial
Útlit er fyrir að sóknarmennirnir Marcus Rashford, Anthony Martial og Edinson Cavani verði allir fjarri góðu gamni þegar Manchester United mætir West Ham í ensku úrvalsdeildinni á sunnudag.
Martial fór meiddur af velli í hálfleik í 1-1 jafntefli gegn AC Milan í gærkvöldi en bæði Rashford og Cavani voru fjarri góðu gamni þar.
Martial fór meiddur af velli í hálfleik í 1-1 jafntefli gegn AC Milan í gærkvöldi en bæði Rashford og Cavani voru fjarri góðu gamni þar.
Ole Gunnar Solskjær, stjóri Manchester United, sagði eftir leikinn í gær að Rashford og Cavani nái líklega ekki leiknum á sunnudag. Rashford ætti hins vegar að ná síðari leiknum gegn AC Milan í næstu viku. Óvíst er með Martial.
„Anthony (Martial) fékk högg á mjöðmina og þar er annar framherji sem við þurfum að skoða," sagði Solskjær.
Hinn 18 ára gamli Amad Diallo, sem Man Utd fékk í sínar raðir í janúar, kom inn á fyrir Martial í gær og skoraði laglegt skallamark í síðari hálfleiknum í gær.
Athugasemdir
