Forráðamenn Birmingham City í ofurdeild kvenna á Englandi eru allt annað en ánægðir eftir 4-0 tap liðsins gegn Everton í gærkvöldi.

90 mínútum fyrir leik fékk Hannah Hampton, markvörður Birmingham, að vita að hún kemur ekki til greina í Ólympíuhóp Bretlands í ár.

Hin tvítuga Hampton hefur verið viðloðandi enska landsliðið og þessi tíðindi fóru illa í hana. Hampton grét fyrir leikinn og náði alls ekki að sýna sínar bestu hliðar.

Carla Ward, stjóri Birmingham, segir að tímasetningin á að tilkynna hópinn hafi verið óásættanleg og að þetta hafi klárlega haft áhrif á frammistöðu Hampton í leiknum.