Símun Samuelsen var í liði HB sem sigraði Skála með þremur mörkum gegn engu í færeyska boltanum í dag.
Símun verður 33 ára í maí en hann lék fyrir Keflavík á sínum yngri árum og gerði 19 mörk í 74 deildarleikjum. Þá á hann 44 landsleiki að baki fyrir Færeyjar.
Símun verður 33 ára í maí en hann lék fyrir Keflavík á sínum yngri árum og gerði 19 mörk í 74 deildarleikjum. Þá á hann 44 landsleiki að baki fyrir Færeyjar.
„Við töpuðum fyrsta leik tímabilsins á heimavelli sem er aldrei gott, þannig mjög mikilvægt að ná í sEx stig úr tveimur leikjum," sagði Símún eftir leikinn.
„HB er stærsta liðið í Færeyjum og er búið að lenda í fimmta sæti tvisvar sinnum í röð, sem er ekki nógu gott fyrir lið eins og HB. Við viljum komast ofar og markmiðið er að enda í topp þremur.
„Þriðja sætið gefur evrópukeppni sem er mjög mikilvægt peningalega séð. Það eru 22 leikir eftir og við erum komnir með 10 stig sem er bara ágætt."
Símun segir breytingarnar sem fylgja Heimi Guðjónssyni vera frábærar og telur að aukin fagmennska geti skilað félaginu langt.
„Hann er 100% professional þjálfari, það sér maður strax. Hann vill alltaf fá 100% frá leikmönnum, sama hvort það sé á æfingu eða bara að mæta í mat. Það hefur komið í ljós í síðustu tveimur leikjum að þetta er að virka."
Símun er enn með mikil tengsl í Reykjanesbæ frá tíma sínum þar og segist fylgjast með gengi Keflvíkinga, sem eru komnir aftur upp í Pepsi-deildina eftir tvö ár í Inkasso.
„Ég á náttúrulega fjölskyldu í Keflavík/Njarðvík þannig þetta er lið sem ég þekki mjög vel. Ég spilaði þarna í einhver fimm eða sex tímabil þannig ég fylgist alltaf með. Svo þekki ég leikmenn á Íslandi, Gunnar Nielsen er í FH, Kaj Leo í Vestmannaeyjum og marga aðra.
„Keflavík er lið sem á að vera í efstu deild á Íslandi. Það geta ekki bara verið lið úr bænum, það er mikilvægt að hafa einhvern annan þarna.
„Keflavík er eitt af þessum liðum sem á að vera í efstu deild."
Athugasemdir