Króatinn Niko Kovac, stjóri Bayern München, hefur staðfest að slagsmál áttu sér stað milli leikmanna á æfingasvæði félagsins í gær.

Þeir Robert Lewandowski og Coman slógust og þurftu aðrir leikmenn liðsins að skerast í leikinn og fá þá til að hætta.

Samkvæmt þýskum fjölmiðlum byrjuðu slagsmálin eftir að Lewandowski lét Coman heyra það og sagði að hann væri ekki að taka æfingunni alvarlega. Það hefur farið illa í Coman sem átti fyrsta höggið í andlitið á Lewandowski.