Antoine Griezmann, framherji Atletico Madrid og franska landsliðsins segist vera búinn að taka ákvörðun um framtíð sína um hvar hann mun spila á næsta tímabili.

Griezmann var sterklega orðaður við Manchester United síðasta sumar en nú er hann orðaður við Barcelona.

Griezmann skoraði 29 mörk í 49 leikjum fyrir Atletico á síðasta tímabili.

Frakkinn kallaði til blaðamannafundar í dag en vildi ekki gefa það upp hvort hann yrði áfram hjá Atletico eða myndi fara í annað lið.

„Í dag er ekki dagurinn um að tala um framtíð mína. Já ég er nú þegar búinn að ákveða framtíð mína en ég ætla ekki að tala um hana í dag. Þetta er hvorki staður né stund," sagði Griezmann sem er staddur í undirbúningi með Frakklandi fyrir heimsmeistaramótið.