Var að skoða stað fyrir tónlistarmyndband með Nylon
Hannes Þór Halldórsson, landsliðsmarkvörður Íslands, segist hafa verið nálægt því að leggja hanskana á hilluna í kringum tvítugt þegar hann meiddist illa við gerð á tónlistarmyndbandi fyrir Nylon. Þetta kemur fram í langri grein> sem James Montague birti í dag.
Hannes var á þessum tíma ennþá á mála hjá uppeldisfélagi sínu Leikni R. en hann var byrjaður að geta sér gott orð sem leikstjóri. Hannes leikstýrði á dögunum auglýsingu Coca-Cola sem var frumsýnd í dag.
Hannes var á þessum tíma ennþá á mála hjá uppeldisfélagi sínu Leikni R. en hann var byrjaður að geta sér gott orð sem leikstjóri. Hannes leikstýrði á dögunum auglýsingu Coca-Cola sem var frumsýnd í dag.
Meiðslin umræddu árið 2004 urðu þannig að Hannes var að skoða stað fyrir myndatöku við tónlistarmyndband fyrir lagið 5 á Richter með Nylon.
Vegahlið féll á hendina á Hannesi og hann skarst mjög illa. Svo illa að hann missti næstum því fingur.
„Ég gat horft á beinið mitt, sinarnar og allt. Ég sá allt á hreyfingu," segir Hannes í greininni hjá James.
Þegar Hannes var á leið í aðgerð á sjúkrahúsi eftir meiðslin sagði hann við foreldra sína að hann ætlaði að hætta í fótbolta. Faðir hans tókst að tala Hannes af því.
„Hann er þrjóskur djöfull og ég erfði hugarfarið hans," sagði Hannes.
Í greininni er farið ítarlega yfir ótrúlegan feril Hannesar. Þar er farið mjög vel yfir slæm mistök sem hann gerði í sínum fyrsta byrjunarliðsleik með Leikni í lokaumferðinni í 2. deildinni 2004.
Hannes gaf þá mark í leik gegn Víkingi Ólafsvík í úrslitaleik um sæti í 1. deild. Meðal annars er rætt við Val Gunnarsson í greinninni en hann hélt Hannesi á bekknum hjá Leikni á þessum tíma. Einnig er rætt við Árna Þór Gunnarsson stuðningsmann Leiknis.
Hannes fór í kjölfarið í Aftureldingu árið 2005 og þar á eftir lék hann með Stjörnunni, Fram og KR áður en hann fór út í atvinnumennsku árið 2014.
Smelltu hér til að lesa greinina í heild
Athugasemdir