Pólland fékk Litháen í heimsókn í vináttulandsleik í kvöld en Pólland er að leggja lokahönd á undirbúning sinn fyrir heimsmeistaramótið í Rússlandi sem hefst á fimmtudag.

Pólland munu treysta mikið á Robert Lewnadowski á HM og hann fer heitur til Rússlands en hann skoraði tvö fyrstu mörk Póllands í kvöld.

Dawid Kownacki, leikmaður Sampdoria á Ítalíu skoraði þriðja mark Póllands áður en Jakub Blaszczykowski, leikmaður Wolfsburg innsiglaði öruggan 4-0 sigur Póllands á Litháen.

Þetta var síðasti leikur Póllands fyrir heimsmeistaramótið en þeir leika í H-riðli en það er riðillinn sem fer síðastur af stað.

Með Póllandi í riðli eru Japan, Senegal og Kólumbía.