Hákon Rafn Valdimarsson hefur verið valinn í A-landsliðið fyrir lokaleik liðsins gegn Ísrael í Þjóðadeildinni á morgun.
Hann kemur inn í hópinn fyrir Ingvar Jónsson sem er meiddur. Hákon lék alla þrjá leikina fyrir u21 árs landsliðið sem tryggði sér umspilssæti fyrir lokakeppni EM á næsta ári.
Hákon hefur leikið tvo A-landsleiki fyrir Íslands hönd en það voru leikir gegn Suður-Kóreu og Úganda í janúar síðastliðnum.
Ísland er tveimur stigum á eftir toppliði Ísrael þegar tveir leikir eru eftir í keppninni. Toppliðið tryggir sér þátttökurétt í A deild Þjóðadeildarinnar.
Athugasemdir
