Enska úrvalsdeildarfélagið Chelsea reyndi að kaupa Kounde á síðasta ári. Félagið var þó ekki tilbúið að virkja 68 milljón punda riftunarákvæði og því var hann áfram hjá Sevilla.

Hann spilaði frábærlega með liðinu á síðustu leiktíð og hefur Chelsea áfram áhuga á að fá hann ásamt öðrum stórliðum.

Kounde er nú klár í að taka næsta skrefið á ferlinum.

„Mál Jules Kounde er keimlíkt því sem gerðist með Diego Carlos fyrir utan kannski tímasetninguna, því við höfum fengið tilboð í Kounde síðustu tvö tímabil og alltaf í sumarglugganum," sagði Cruz de Andres við Sport Witness.

„Við höfum hafnað þeim tilboðum því töldum leikmanninn geta bætt frammistöðu sína. Það var betra að bíða því markaðurinn var erfiður á þessum tímapunkti. Við töldum að með því að bíða þá myndum við fá meiri pening fyrir hann."

„Ég er viss um að leikmaðurinn virðir Sevilla. Hann er ánægður hjá okkur en fyrir Kounde, þá snýst þetta ekki um peninga. Hann vill spila í liði sem er samkeppnishæfara en Sevilla," sagði hann í lokin.