Dejan Lovren, varnarmaður króatíska landsliðsins og Liverpool, lét í sér heyra eftir sigurinn á Englandi í undanúrslitum HM í gær.
Lovren hefur fengið sinn skammt af gagnrýni undanfarin ár en hann svaraði gagnrýnendum í viðtali eftir leik í gær.
„Frá mínu sjónarhorni þá er ég ekki sammála fólki sem sagði að ég hefði átt erfitt tímabil," sagði Lovren eftir leikinn í gær.
„Ég fór með Liverpool í úrslitaleik Meistaradeilarinnar og núna er ég kominn með landsliðinu í úrslit."
„Fólk á að taka eftir þessu og taka eftir því að ég er einn besti varnarmaður í heimi í stað þess að tala um eitthvað kjaftæði."
Athugasemdir