Ekki er ljóst hvort Everton nái að kaupa kolumbíska varnarmanninn Yerri Mina frá Barcelona.
Mina sló í gegn með Kolumbíu á HM og hann hefur verið sterklega orðaður við Everton að undanförnu.
Fréttir hafa sagt að Everton ætli að kaupa hann á 17 milljónir punda en umboðsmaður Mina segir ekkert ljóst ennþá.
„Það er ekki rétt að Yerri hafi skrifað undir hjá Everton," sagði umboðsmaðurinn.
„Það hafa mörg félög áhuga á Yerri. Áður en við getum rætt það þá verðum við að vita hvað Barcelona ætlar að gera. Þegar við heyrum frá félaginu þá tökum við ákvörðun."
Athugasemdir