Pedro Hipólito og hans lærissveinar í Fram fara tómhentir heim úr Ólafsvík eftir 2-1 tap gegn Víkingum. Pedro segir sigurinn vera sanngjarnan þar sem Víkingar voru betra liðið í fyrri hálfleik.
Lestu um leikinn: Víkingur Ó. 2 - 1 Fram
"Ég held að sigurinn hafi verið sanngjarn. Víkingar voru miklu betri í fyrri hálfleik og skorðuð tvö mörk. Við vorum betri í seinni hálfleik að mínu mati en áttum ekki skilið að vinna leikinn útaf fyrri hálfleiknum okkar."
Alex Freyr fékk að líta rauða spjaldið um miðjan seinni hálfleik og Pedro hafði ekkert að segja um það og segir að það hafi verið réttur dómur.
Það myndaðist mikill hiti milli Ejub og Pedro eftir leik þar sem nokkur orð féllu milli þeirra félaga. Samkvæmt mínum heimildum á Pedro að hafa haldið fast og lengi í hönd Ejub þangað til Nacho Heras, varafyrirliði ákvaðnað blanda sér í leikinn og ýtti Pedro frá með miklu afli og öskraði á hann á spænsku. Pedro vildi sjálfur meina að það hafi verið eitthvað í þessu öllu saman.
"Þetta var ekkert sérstakt. Menn voru heitir í hamsi í lokin. Nokkur orð en svona er bara fótboltinn."
Viðtalið má sjá í heild sinni hér fyrir ofan
Athugasemdir