Rúnar Páll var ánægður með frammistöðu sinna manna
Rúnar Páll Sigmundsson, þjálfari Stjörnunnar, var að vonum hæstánægður eftir 3-0 sigur sinna manna gegn Nömme Kalju frá Eistlandi í dag. Var þetta fyrri leikur liðanna í fyrstu umferð Evrópudeildarinnar.
„Í fyrsta lagi er ég ánægður að skora þrjú mörk þótt að við gátum skorað fleiri. En við fengum ekki mark á okkur sem að er lykilatriði en við erum í ágætis málum fyrir útileikinn, þó að það sé bara hálfleikur." sagði Rúnar eftir leik.
„Í fyrsta lagi er ég ánægður að skora þrjú mörk þótt að við gátum skorað fleiri. En við fengum ekki mark á okkur sem að er lykilatriði en við erum í ágætis málum fyrir útileikinn, þó að það sé bara hálfleikur." sagði Rúnar eftir leik.
Eins og áður segir unnu Stjörnumenn leikinn 3-0 og eru því búnir að koma sér í ákjósanlega stöðu fyrir seinni leikinn í Eistlandi. Rúnari lýst vel á það verkefni.
„Þeir spila svipað og þeir spiluðu í dag held ég. Þeir spila ekki á sínum heimavelli sem er gervigrasvöllur heldur á grasvelli sem að er vottaður af UEFA. Þeir hafa sína styrkleika sem að við verðum að varast en við sjáum að þeir hafa líka sína veikleika sem að við verðum að nýta." sagði Rúnar að lokum.
Nánar er rætt við Rúnar Pál í spilaranum hér að ofan.
Athugasemdir
