Chelsea hefur ekki staðfest þessar fréttir en fleiri miðlar eru með þessi tíðindi í dag.

Ekki er hægt að segja að þessar fréttir komi á óvart en sögusagnir hafa verið um brottrekstur Conte í marga mánuði.

Maurizio Sarri, fráfarandi þjálfari Napoli, er að taka við Chelsea og væntanlega verður tilkynnt um ráðningu hans á næstu dögum.

Conte varð enskur meistari á sínu fyrsta tímabili en illa gekk á síðasta tímabili.