Sporting Lisabon hefur kvartað til FIFA vegna félagaskipta Rui Patricio til Wolves á Englandi.
Hinn þrítugi Patricio er einn af níu leikmönnum Sporting sem riftu samningi sínum við félagið í vor.
Leikmennirnir riftu samningum eftir að stuðningsmenn réðust á þá í kjölfar þess að Sporting missti af sæti í Meistaradeildinni.
Patricio, sem er landsliðsmarkvörður Portúgal, samdi í kjölfarið við Wolves á Englandi.
Forráðamenn Sporting eru ósáttir við þetta og hafa kvartað til FIFA en þeir krefjast þess að fá 48 milljónir punda í skaðabætur vegna samningsins.
Athugasemdir