Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   fös 12. júlí 2019 10:35
Arnar Daði Arnarsson
Lið 11. umferðar - Fjórir frá Njarðvík
Jason Daði er í liði umferðarinnar.
Jason Daði er í liði umferðarinnar.
Mynd: Fótbolti.net - Hafliði Breiðfjörð
Helgi Guðjónsson er á miðjunni.
Helgi Guðjónsson er á miðjunni.
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Heil umferð fór fram í Inkasso-deild karla í gærkvöldi þegar fyrri umferðin kláraðist.

Fjögur jafntefli litu dagsins ljós í umferðinni og þá náðu Njarðvíkingar loksins í sigur eftir sjö töp í röð í deild og bikar. Rafn Markús Vilbergsson þjálfari liðsins er þjálfari umferðarinnar eftir 3-0 sigur á Víkingi Ólafsvík.


Sóknarlínan kemur einmitt úr liði Njarðvíkur þar sem Kenneth Hogg, Ivan Prskalo og Hilmar McShane eru allir í liði umferðarinnar.

Arnar Darri Pétursson er í markinu en Þróttur gerði 1-1 jafntefli gegn Aftureldingu þar sem Arnar Darri fór á kostum. Í liði Mosfellinga var Jason Daði Svanþórsson manna bestur.

Rúnar Þór Sigurgeirsson er í liði umferðarinnar í fjórða sinn í sumar en hann hefur verið að glíma við meiðsli en er kominn aftur á ról. Keflavík náði í 1-1 jafntefli gegn toppliði Fjölnis með jöfnunarmarki í uppbótartíma.

Þá gerðu Haukar og Grótta 2-2 jafntefli á Ásvöllum. Aron Freyr Róbertsson var bestur Haukamanna og hjá Gróttu er Axel Freyr Harðarson fulltrúi liðsins í liði umferðarinnar.

Magni var ekki langt frá því að sækja í öll þrjú stigin í nágrannaslag Magna og Þórs í gærkvöldi. Ívar Sigurbjörnsson og Sveinn Óli Birgisson stóðu vaktina vel í vörn liðsins en Jóhann Helgi Hannesson jafnaði fyrir Þór á loka mínútunum.

Helgi Guðjónsson er á miðjunni en hann var besti leikmaður vallarsins í sigri Fram á Leikni R. 2-1 í Safamýrinni.

Sjá fyrri lið umferðarinnar:
Lið 10. umferðar
Lið 9. umferðar
Lið 8. umferðar
Lið 7. umferðar
Lið 6. umferðar
Lið 5. umferðar
Lið 4. umferðar
Lið 3. umferðar
Lið 2. umferðar
Lið 1. umferðar
Athugasemdir
banner
banner
banner