Emil verður samningslaus í október og samkvæmt reglum sem tóku gildi í fyrra þá mega félög byrja að ræða við samningslausa leikmenn með hálfs árs fyrirvara ef núverandi félag leikmanns fær að vita af því.

Í fyrrahaust náði KR að fá Alex Frey Hilmarsson frítt í sínar raðir frá Víkingi en hann hafði gengið frá samningi við félagið um sumarið.

Kristinn Kjærnested, formaður knattspyrnudeildar KR, staðfesti við Fótbolta.net í dag að félagið hafi áhuga á Emil en vildi ekki tjá sig frekar um málið.

Emil hefur ekkert leikið með Fylkismönnum síðan í 1. umferðinni í sumar vegna meiðsla en Árbæingar vonast til að hann snúi aftur á völlinn síðar í mánuðinum.

Emil er 24 ára gamall og uppalinn hjá Fylki en hann lék um tíma með unglinga og varaliði Brighton á Englandi áður en hann kom aftur í Árbæinn árið 2016.