Breiðablik lagði í kvöld Fylki að velli, 0-4, í tíundu umferð Pepsi Max-deildar kvenna.

Íslandsmeistararnir leiddur 0-1 þegar gengið var til búningsherbergja. Áslaug Munda skoraði eina mark fyrri hálfleiks á 34. mínútu. Það mark skoraði hún beint úr hornspyrnu!

Áslaug Munda bætti við öðru marki á 55. mínútu og Taylor Marie Ziemer bætti við þriðja marki Blika á 61. mínútu.

Hildur Antonsdóttir innsiglaði svo sigurinn með marki í uppbótartíma. Hildur lék í síðustu umferð sinn fyrsta leik eftir meiðsli og í kvöld var hún á skotskónum, tæp tvö ár síðan hún skoraði síðast.

Öruggur sigur Blika staðreynd. Fylkir er í næstneðsta sæti með níu stig eftir tíu leiki en það kemur í ljós í kvöld í hvaða sæti Breiðablik endar umferðina.