ÍBV varð í dag bikarmeistari í knattspyrnu eftir sigur á Íslandsmeisturum FH í úrslitaleik á Laugardalsvelli í dag.
Vestmannaeyingar komu af krafti inn í leikinn og voru frábærir í fyrri hálfleiknum. Vinnan sem þeir lögðu í fyrri hálfleikinn skilaði sér á 37. mínútu þegar reynsluboltinn Gunnar Heiðar Þorvaldsson skoraði eftir fallega skyndisókn. Eyjamenn í stúkunni glöddust við þetta, en þeir voru magnaðir á Laugardalsvelli í dag.
Sjá einnig:
Myndir: Partý í stúkunni hjá ÍBV - Dúfur og gítar
FH-ingar fengu nokkur færi í seinni hálfleiknum, en leikmenn ÍBV börðust hetjulega og þeir vörðust mjög vel.
Þeir náðu að halda út og 1-0 sigur ÍBV staðreynd í þessum bikarúrslitaleik í Laugardalnum í dag.
Þetta er fyrsti bikarmeistarartitill ÍBV frá 1998!
RISAstórt hjá KG sem margir efuðust um fyrir ári. Geggjað hjá ÍBV og þessir stuðningsmenn líka... Til hamingju Eyjamenn #fotboltinet
— Elvar Geir Magnússon (@elvargeir) August 12, 2017
Athugasemdir