„Ég vil byrja á því að þakka guði. Það er góð tilfinning að vera meistari," sagði Derby Carillo, markvörður ÍBV, eftir 1-0 sigur á FH í bikarúrslitaleik í Laugardalnum í dag.
Lestu um leikinn: ÍBV 1 - 0 FH
FH-ingar pressuðu á Vestmannaeyinga í seinni hálfleiknum, en sem betur fyrir ÍBV náðu þeir að halda út.
„Þeir náðu mörgum fyrirgjöfum, en við tókumst vel á þær. Ég er viss um að margir hafa haldið niðri í sér andanum undir lokin, en okkur tókst að klára þetta og núna erum við meistarar."
Derby missti sæti sitt í ÍBV liðinu eftir slaka byrjun á tímabilinu, en hann hefur tekið sig á og er kominn aftur í liðið.
„Ég hef verið einbeittari og ég hef reynt að ofgera hlutina ekki. Það er það sem ég hef verið að vinna aðallega í."
Derby segist hafa verið með tár í augunum í leikslok.
„Þetta er frábært. Þegar flautan gall þá var ég með gleðitár í augunum. Það er góð tilfinning að koma til erlends lands og vinna úr þeim vandamálum sem þú lendir í. Ég þakka guði, fjölskyldu og kærustunni minni. Ég er gríðarlega ánægður með þetta."
Viðtalið má sjá í heild sinni hér að ofan.
Athugasemdir
