Cristiano Ronaldo spilaði sinn fyrsta leik í búningi Juventus í dag og var ekki lengi að skora.
Ronaldo skoraði eftir aðeins átta mínútur í smábænum Villar Perosa, rétt fyrir utan Tórínó. Þar fer fram leikur á milli aðalliðs og varaliðs Juventus ár hvert, en eigendur félagsins standa fyrir leiknum.
Ronaldo (33), sem gekk í raðir Juventus frá Real Madrid fyrir í kringum 100 milljónir punda í sumar, skoraði fyrsta markið í 5-0 sigri aðalliðs Juventus.
Allir vildu sjá Ronaldo
Það var mikill mannfjöldi á leiknum en hefð er fyrir því að áhorfendur fari inn á völlinn að þessum leik loknum.
Áhorfendurnir voru hins vegar alltof spenntir fyrir Ronaldo og var fólk komið alltof snemma inn á völlinn. Hópast var upp að Ronaldo, en leikurinn var stoppaður eftir 72 mínútur.
Juventus hefur titilvörn sína á Ítalíu komandi laugardag gegn Chievo.
Cristiano Ronaldo's first Juventus goal ❤ pic.twitter.com/sXnNt6ccZ9
— Zeeshan⁷ (@FinishRonaldo) August 12, 2018
Athugasemdir