Benoit Assou-Ekotto, bakvörður Metz, er allt annað en ánægður með rauða spjaldið sem hann fékk í 5-1 tapinu gegn PSG á föstudaginn.
Assou-Ekotto, sem er fyrrum leikmaður Tottenham, fékk beint rautt spjald fyrir tæklingu á Kylian Mbappe. Sebastien Desiage, dómari leiksins, var fljótur að draga upp rauða spjaldið en í endursýningu í sjónvarpi sást að Assou-Ekotto fór í boltann.
Assou-Ekotto, sem er fyrrum leikmaður Tottenham, fékk beint rautt spjald fyrir tæklingu á Kylian Mbappe. Sebastien Desiage, dómari leiksins, var fljótur að draga upp rauða spjaldið en í endursýningu í sjónvarpi sást að Assou-Ekotto fór í boltann.
„Hann (Mbappe) öskraði mjög hátt. Ég tek það ekki af honum. Þetta var mjög hátt öskur," sagði Assou-Ekotto ósáttur með spjaldið.
„Dómarinn getur tekið sér 30 sekúndur í þetta, við erum ekki að drífa okkur. Mér fannst hann drífa sig í að taka ákvörðun."
„Lærdómur sögunnar: Það er betra að fara af krafti í leikmann og meiða hann þannig að við förum báðir út af frekar en að ég taki boltann og þurfi samt að fara af velli."
Athugasemdir