Reynir vann fyrri leikinn 2-0 heima og gerði markalaust jafntefli í seinni leiknum í kvöld. Kórdrengir voru manni færri í síðari hálfleik en áttu góðan leik og misnotuðu meðal annars vítaspyrnu.

„Mér fannst þeir betri í seinni hálfleik, við vorum skítlélegir. Þetta hafðist og við unnum viðureignina 2-0 samanlagt," sagði Haraldur við Fótbolta.net að leikslokum.

„Það leit ekki út fyrir að þeir væru manni færri en það eru úrslitin sem skipta máli. Við erum komnir upp, komnir í úrslitaleik og nú er það bara að vinna deildina."

Reynir hefur ekki tapað leik í 4. deildinni á tímabilinu en komst nálægt því í dag, hefði Rúnar Gissurarson fyrirliði ekki varið vítaspyrnu.

„Það var mjög mikilvægt og hefði breytt gangi leiksins ansi mikið. Hann er búinn að vera frábær í sumar og hirti þetta víti."