Leikið verður í Meistaradeild kvenna í dag, í 32-liða úrslitunum.
Það verður vonandi fjölmennt á Akureyrarvelli þegar Íslandsmeistararnir í Þór/KA fá þýska stórliðið Wolfsburg í heimsókn. Með Wolfsburg leikur landsliðsfyrirliðinn Sara Björk Gunnarsdóttir.
Sara Björk og stöllur hennar í Wolfsburg komust í úrslitaleik Meistaradeildarinnar í fyrra þar sem þær töpuðu fyrir franska liðinu Lyon. Það er því ljóst að þetta verður mjög erfitt verkefni fyrir Akureyringa.
Leikurinn hefst 16:30 og er hann að sjálfsögðu í beinni textalýsingu hér á Fótbolta.net.
Glódís Perla Viggósdótti er þá í eldlínunni með sænska liðinu Rosengård klukkan 12:00 gegn Ryazan frá Rússlandi. María Þórisdóttir, sem spilar með norska landsliðinu, spilar með Chelsea gegn SFK 2000 frá Bosníu. Faðir Maríu er Þórir Hergeirsson, þjálfari norska kvennalandsliðsins í handbolta.
Meistaradeild kvenna - 32 liða úrslit
16:30 Þór/KA - Wolfsburg (Stöð 2 Sport)
Athugasemdir