Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mið 12. september 2018 18:00
Magnús Már Einarsson
Monreal í viðræðum um nýjan samning hjá Arsenal
Mynd: Getty Images
Spænski vinstri bakvörðurinn Nacho Monreal er í viðræðum um nýjan samning hjá Arsenal.

Hinn 32 ára gamli Monreal verður samningslaus næsta sumar og félög utan Englands geta því hafið viðræður við hann eftir áramót.

Í slúðurpakka dagsins var Monreal óvænt orðaður við Barcelona en hann er sjálfur í viðræðum við Arsenal.

„Í augnablikinu erum við í viðræðum við félagið. Ég hef alltaf sagt að ég er mjög ánægður með að spila fyrir Arsenal," sagði Monreal.

„Ég kom fyrir sex árum og á í góðu sambandi við félagið. Við erum í viðræðum í augnablikinu en ég hef ekki áhyggjur af því. Ég er ánægður hér. Það er mikilvægast."
Athugasemdir
banner
banner
banner