„Það er með mikilli eftirsjá og söknuði að við þurfum að tilkynna að Fylkir og Strømsgodset IF hafa náð saman um félagaskipti Valda," segir í tilkynningu Fylkis.

Valdimar hefur verið frábær í liði Fylkis á þessu tímabili en hann hefur verið einn besti leikmaður Pepsi Max-deildarinnar það sem af er. Hann hefur skorað átta deildarmörk.

Hjá Strømgodset hittir hann fyrrum liðsfélaga sinn, Ara Leifsson, sem er á mála hjá félaginu. Strømgodset er í ellefta sæti í efstu deild í Noregi eftir sextán umferðir.

„Um leið og við samgleðjumst Valda að vera kominn í atvinnumennsku sem hann hefur dreymt um þá viljum þakka honum fyrir framlag hans til Fylkis á undanförnum árum og bjóðum velkominn heim á nýjan leik þegar ævintýrinu lýkur."

Fylkir er í þriðja sæti Pepsi Max-deildarinnar eins og er en liðið mætir KA á morgun.