Harvey Elliott var sárþjáður á vellinum
Enski leikmaðurinn Harvey Elliott er kominn heim af spítalanum og mun fara í aðgerð á næstu dögum eftir að hann meiddist illa á ökkla í 3-0 sigri Liverpool á Leeds í dag.
Pascal Struijk var rekinn af velli eftir að hann fór í tæklingu á Elliott í síðari hálfleiknum en Englendingurinn lenti illa og var borinn af velli í kjölfarið.
Meiðslin líta ekki vel út og gæti hann verið frá út árið í það minnsta en hann fer í aðgerð á næstu dögum.
„Elliott þarf að gangast undir aðgerð á næstu dögum og félagið mun uppfæra stöðuna á honum þegar frekari fregnir berast. Harvey, fjölskyldan og Liverpool FC vill þakka sjúkraliðum og öllu starfsliðinu á spítalanum fyrir þeirra hlutverk," sagði í yfirlýsingu Liverpool.
Athugasemdir
