Thomas Tuchel, knattspyrnustjóri Chelsea, segir það ekki hafa verið í stöðunni að selja Callum Hudson-Odoi til Borussia Dortmund á lokadegi gluggans.
Þýska félagið vildi fá Hudson-Odoi frá Chelsea en leikmaðurinn vildi sjálfur komast til Þýskalands.
Chelsea hafnaði hins vegar boði Dortmund og neyddist því enski leikmaðurinn til að vera áfram.
Hann var í byrjunarliði Chelsea í 3-0 sigrinum á Aston Villa í gær og kom vel frá sínu en Tuchel ræddi hann við fjölmiðla eftir leik.
„Þetta var auðveld ákvörðun. Það var ekki einu sinni í stöðunni að segja já við tilboði Borussia Dortmund í Hudson-Odoi á lokadegi gluggans. Þetta var kannski gott tækifæri fyrir hann en ómögulegt fyrir okkur. Hann verður sterkari með hverjum deginum hjá okkur," sagði Tuchel eftir leik.
Athugasemdir