KV er í kjörstöðu á að komast upp í Lengjudeildina fyrir lokaumferð 2. deildar.
KV gerði nefnilega jafntefli við Völsung í toppbaráttuslag á Húsavík í gær, 1-1. Nikola Dejan Djuric kom KV yfir en Sæþór Olgeirsson jafnaði svo metin.
KV er í öðru sæti með eins stigs forystu á Völsung fyrir lokaumferðina. Í síðustu umferðinni á KV heimaleik gegn toppliði Þróttar, sem er nú þegar búið að tryggja sér sigur í deildinni.
Það var stuð og stemning hjá KV-mönnum á Húsavík í gær og fór KV múmían á kostum.
Marc Boal, sem er mikill áhugamaður um íslenskan fótbolta, spurði að því á Twitter hvaða múmía þetta væri eiginlega.
„Þetta er KV múmían. Lukkudýr félagsins síðan það var stofnað árið 2004. Hún verndar leikmenn og stjórnarmenn, og mætir öðru hverju á meðan tímabilið stendur yfir. Frábær strákur er hann," var svarið.
Hægt er að sjá skemmtilegt myndband hér að neðan þar sem múmían kemur fyrir.
WTF is this all about? Someone dressed up as a mummy wandering onto the pitch at the start of a match in the Icelandic 3 tier. Get in touch if there's an explanation.... https://t.co/zzpxD5RMw3
— Icelandic Football UK (@marcboal) September 12, 2021
Athugasemdir