sun 12. september 2021 11:00
Victor Pálsson
Man City kom aldrei til greina að sögn Solskjær
Mynd: EPA
Cristiano Ronaldo var aldrei á leið til Manchester City í sumarglugganum að sögn Ole Gunnar Solskjær, stjóra Manchester United.

Man Utd tryggði sér þjónustu Ronaldo á lokadegi félagaskiptagluggans en hann kom frá Juventus.

Lengi var talað um að Man City væri áfangastaður Ronaldo en Man Utd kom frekar seint inn samkvæmt því sem gekk á.

Ronaldo gæti spilað sinn fyrsta leik fyrir Man Utd í dag er liðið mætir Newcastle.

„Ég held að það hafi aldrei verið í kortunum. Ég tel að það hafi aldrei verið möguleiki," sagði Solskjær.

Ronaldo lék síðast fyrir Man Utd fyrir 12 árum síðan og hefðu skipti til Man City sært marga í rauðu.
Athugasemdir
banner
banner
banner