Sigurður Ragnar Eyjólfsson, annar þjálfara Keflavíkur, staðfesti í gær að það hefði tilboð borist frá ítalska félaginu Lecce í miðjumanninn Davíð Snæ Jóhannsson.
Það var rætt og skrifað um tilboðið fyrr í þessum mánuði. Í gær var Siggi Raggi spurður út í það.
„Lecce bauð honum að koma á láni í eitt ár. Það voru afskaplega lágar fjárhæðir í boði, og meiðslastaðan hjá okkur leyfði ekki að hann gæti farið," sagði Sigurður Ragnar.
„Þetta var miklu lægra tilboð en íslenskir leikmenn hafa verið að fara á út. Okkur fannst ekki hægt að gera þetta. Fyrst og fremst vegna þess að við erum núna með tvo leikmenn á meistaraflokksaldri á bekknum hjá okkur. Það eru meiri hagsmunir að halda liðinu að halda liðinu í efstu deild, og eiga möguleika á bikar."
„Davíð er lykilmaður hjá okkur," sagði Siggi Raggi en allt viðtalið má sjá hér að neðan. Þar ræðir hann meira um það af hverju þetta tilboð hafi ekki hentað.
Athugasemdir