Erling Braut Haaland skoraði tvö mörk í leiknum og þegar hann var að fagna sigurmarkinu brutust út mikil læti meðal stuðningsmanna Leverkusen.

Leikmenn Dortmund fögnuðu og þá rigndi bjórglösunum inn á völlinn. Bellingham hoppaði upp á Haaland í fagnaðarlátunum og tókst á ótrúlegan hátt að grípa eitt glasið. Hann skvetti honum yfir sig og kastaði síðan glasinu frá sér.

Aðeins eru nokkrir dagar síðan leikmenn enska landsliðsins gerðu slíkt hið sama gegn Ungverjalandi í undankeppni HM. Þar drukku þeir Declan Rice og Jack Grealish úr glösunum sem var kastað í átt að Raheem Sterling.