Íslenska kvennalandsliðið á tvo mjög mikilvæga leiki framundan í næstu og þarnæstu viku. Um er að ræða útileiki gegn Þýskalandi og Tékklandi í undankeppni HM.
„Það væri stórkostlegur árangur að fara á þessa tvo sterku útivelli og ná í sex stig en við förum mjög sátt heim með fjögur stig. Við megum ekki tapa í Tékklandi, það yrðu vond úrslit," sagði Freyr.
„Það væri stórkostlegur árangur að fara á þessa tvo sterku útivelli og ná í sex stig en við förum mjög sátt heim með fjögur stig. Við megum ekki tapa í Tékklandi, það yrðu vond úrslit," sagði Freyr.
„Við erum að spila við mjög sterkt lið og þurfum að hitta á toppleik til að ná í þrjú stig út í Tékklandi og ég tala nú ekki á móti risanum í Þýskalandi."
Þrjár vikur verða liðnar frá síðasta leik í Pepsi-deildinni þegar Ísland mætir Þýskalandi næstkomandi föstudag. Leikmenn nota ýmsar leiðir til að halda sér í formi núna.
„Það hefur verið flott samvinna við félögin. Sumar æfa með 2. flokki karla og eru á séræfingum hjá okkur. Markmennirnir eru á séræfingum hjá Óla (Ólafi Péturssyni) og tvær fóru til Valerenga í Noregi á æfingar. Það eru allar að gera sitt besta til að vera í toppstandi," sagði Freysi sem er ánægð með viðbrögðin hjá leikmönnum eftir vonbrigðin á EM í sumar.
„Þetta hefur verið tilfinningaríkt ár í alla staði. Leikmenn komu gíraðir inn í Færeyjar verkefnið og gáfu mikið í það. Ég átti góð samtöl við leikmenn sem ætla sér að gera betur og við erum að fara í góða átt með það."
Hér að ofan má sjá viðtalið í heild sinni.
Athugasemdir