Þetta staðfesti belgíska liðið í kvöld en De Bruyne er að glíma við smávægileg meiðsli og mun ekki taka þátt.

Það eru góðar fréttir fyrir íslenska liðið en De Bruyne er eins og flestir vita einn besti miðjumaður ensku úrvalsdeildarinnar.

Ísland mun spila við Belgíu í Þjóðadeildinni en strákarnir töpuðu gegn Danmörku í gær með þremur mörkum gegn engu.

De Bruyne spilaði 73 mínútur með Belgíu í gær gegn Englandi en þeim leik lauk með 2-1 tapi.

Miðjumaðurinn fann til áður en skiptingin átti sér stað og er nú snúinn aftur til Manchester City sem er hans félag á Englandi.